Երևան քաղաքի պատմության թանգարանը հիմնադրվել է 1931 թվականին, ներկայիս Անդրեյ Սախարովի անվան հրապարակում գտնվող Հրշեջ կամավոր ընկերության շենքում զբաղեցնելով՝ երկու սենյակ։ Այդ ժամանակ ցուցանմուշների թիվը հասնում էր շուրջ 400-ի։ Տարիների ընթացքոմ ավելացող թանգարանային առարկաներն այլևս պետք է տեղափոխվեին նոր շենք, ուստի պատահական չէ, որ 1934 թ. Երևան քաղաքի խորհրդի նախագահությունը որոշում է կայացնում Կոմունալ թանգարանը տեղափոխելու վերաբերյալ։ Նոր շենքի որոնումների արդյունքում 1936 թ. թանգարանը տեղափոխվում է 17-րդ դարի հուշարձան շենք՝ իրանական Կապույտ Մզկիթ, որը ճանապարհորդների հիշատակություններում հայտնի էր Երկնքի մզկիթ անվամբ։ Նույն թվականին էլ, երբ արդեն ֆոնդերում առկա էր 1480 ցուցանմուշ, Կոմունալ թանգարանը վերանվանվում է Երևան քաղաքի պատմության թանգարանի։ Մինչև 1994 թ. թանգարանն իր գործունեությունը շուրջ 56 տարի ծավալում է հենց այստեղ՝ ներկայացնելով Երևանի պատմությունը հնագույն ժամանակներից մինչև մեր օրերը։ Օրեցօր ավելացող թանգարանային առարկաները, որոնց թիվն արդեն գերազանցում էր 96 000-ը, պահանջում էին թանգարանագիտության պահանջներին համահունչ շենքային պայմաններ թե՛ առարկաների պահպանության և թե՛ ցուցադրության համար անհրաժեշտ սրահներ։
Month: December 2023
<>
ԳՐԻՄ ԵՂԲԱՅՐՆԵՐ
Մի մարդ յոթ տղա է ունենում և շատ է ուզում աղջիկ ունենալ։ Վերջապես մի օր էլ կինը ուրախ լուր է հայտնում, թե երեխա է սպասում։ Երբ ժամանակը գալիս է, աղջիկ է ծնվում։Ուրախությունից աշխարհով մեկ են լինում, բայց երեխան շատ նվազ է լինում, դրա համար որոշում են ժամանակից շուտ կնքել։ Հայրը տղաներից մեկին ուղարկում է կնքելու համար ջուր բերելու, մնացած վեցն էլ են վազ տալիս նրա ետևից։ Ամեն մեկն ուզոիմ է ինքը բերի ջուրը ․․․